සුදු අම්මා . . .

මහ මුහුදක් ය

නුඹ ,

නුඹේ ඔය ආදරය

හිත ගැඹුරේ පුරෝගෙන

හංගාන හැම හැමට

හොර හොරෙන් බෙදන

දිනෙක . . .

සබඳ,

ප්‍රේමයේ විසල් ගහ කොළ

අවාරයේ යම් විටෙක 

පත්‍රයෙන් ඵලයෙන් පුෂ්පයෙන්

තොරව වියැකී මියැදෙනු ඇත

වාරයේ එහි

ශේෂ වූ අංකුරම

විසල්ව දළුලා වැඩෙන්නට

සමහර විටෙක ඒ අතර

බටිත්තන්ද හිදිනු ඇත

ප්‍රේමයේ කතන්දර

හෙමි හෙමින් මුමුණන

අතහැරුනු මතක . . .

ඉඩකඩක් ලද විටෙක

ඇවිත් යනවද මදක්

දැනුදු දැකිය හැකිවේය

නුඹ මා ඉදහිටක

ඇවිත් මුමුණපු ගස යටම

ප්‍රේමයේ නොමියෙනා පද

මිමිනෙනා බවක්

නුඹෙන් උණුහුම්වු සිත

නුඹ අතැර ගියත්

දිරායන බංකුවක

ඒ අහල තවත්

මුමුණයි ඒ හිතම

අතීතයේ වගක්

මතක ආවර්ජනා . . .

දුමාරයක් හිත වටකළා
හීතලේ කෑගසා නොහඬා
ඉකිගසා හොරෙන් හැඬුවා
දුමාරයේ සැඟවී තනිවුණා

වළාකුලක් නැති හිස් අවකාශේ
අකුණක් ගැහුවා දෙදරා ඒ සිත් අහසේ
කෑගසා හඬන දෙනුවන් බොරවී
ඉකිගසන හඬ සඟවා තනිවුණා

මූසලම රැයක නුඹ ඒ ගිය දිනය
මකාදැමුවා දස අත රැඳුණු මතක
පියුමන් විකසිත නොවන මල්විලක
සැඟවුවා මසිත ඒ දිය ගැඹුරේම

නොනිදා පහන් වන රැයක
පාවෙලා සොයා යන අරුත
දුමාරයේ සැඟවී කොහෙද
පාවෙලා ඈතට ගියා

නින්ද නුඹ . . .

නිදි දෙව්දුවනි ,

අද රැයත් නුඹ

වෙලී ඉන්න

ඇගේ ලඟ

නොදැනෙන්න ඇයට

හිතේ බර . . .

ඇගේ ලඟ හැංගිච්ච

හීන කප්පරම ,

රැගෙන මම සැබෑකර

එනතුරා හැකිවෙත්ද

රැඳී ඉඳ සනසන්න

මගේ පෙම්බරියව

සුවසේම . . .

සිපගතිමි . . .

අඩවන්ව ,
පියැවුණු දෙනෙත
කී කතාවට 
මත්ව . . .


නුඹ ලඟ
මා ද ,
එලෙසම . . .


සිහින් සිනිඳු පෙති
සොයා ,
වසාහල දෙනෙතින්ම 
සිපගනිමි . . .


රහසේම ,


නුඹට හොරා,
මම . . .
මට හොරා 
නුඹ . . .

සිහින තාරකා . . .

සිහිනයක පෑයූ

සිහින තරුවක්

තාමත් මගේ ලඟ

නිදිමතේදෝ මුමුණමින්

මගේ හිත් කොනක

ලැගුම්ගෙන රිසිසේ

. . . ඇගේ වගේ . . .

- ඔවු ඇගේ -

෴෴෴෴෴෴

සිහිනෙන් . . .

ඝණඳුරට ,
නිති පෙම් බඳිමි
රැය පුරාවට . . .


ඉහිලුම් නොදෙන
හැඟුම් පොකුරු මල්
අතුරාලූ යහන් මත
සැතපෙමි . . .


නුඹේ උයනත ,
කුසුමන් අතර
හිස හොවාගෙන
නැහැපුඩු වෙලාගත්
සුවඳින් ,
මන්මත්වෙමි . . .


රැය ,
පහන් කරමි
සිහිනෙන් මෙලෙසින්ම. . . 

නොසඟවන්න . . .

‎" ඉකිබිඳිමි ,
රහසේම සඟවගෙන
හැමදාම . . . "

නොසිතන්න එලෙසින්ම
හිඳිමි මම
නුඹ ලඟම . . .

නොසඟවා පවසන්න
එක්වී වැලපෙන්න
මාත් එක්කම . . .

මමත් නුඹත් . . .

අහවර කරමු
වැලපී දෙදෙනාම
සිනා මල් කැකුළු
මඟ බලන් ,
ජීවිතේ දොරකඩ
එනතුරුම . . .

හිනැහෙන්න ,
පිළිගන්න . . .

නොඉවසිල්ල . . .

තත්පරයත් ,
කප්පරක් වුණු 
මට . . . 
ගතවුණු දින
නැතිව නුඹ . . .

පෙමක් ලදිමි . . .

කඩමලු සිතට ,
නුඹ තැවරූ
සලු පිලි . . .
හරි හැඩයි
නුඹ ,
නොදත්තට . . .

සිනාමල් පූදින්න . . .

කඳුල වැහුමට ,
සිනාවක් දවටගෙන . . .

ලොවට රහසින් ,
හඬන නුඹ සිත . . .

වත්තන් කරගෙන ,
නුඹ ලඟ ඉන්නට . . .

කඳුල නෙරපමි ,
නුඹෙන් දුර ඈතට . . .

ඇයිද නුඹ . . .

මම 
නුඹේ ලඟ නේද 
හැමදාට

ඉතින් ඇයි
තවත් ඔය තරමට
විඳවන්නේ හිත හිත 

සිහිනයෙන් මෙන් සිහිනෙන් . . .

නුඹ ,
තුරුළු වී 
මට . . .

සිඹ ,
තෙපලනා බස්
ලඟ හිඳ
ඇසේ සවනත
සිහිනයෙන් මෙන්
දැනුඳු සිත ලඟ . . .

විගසින් . . .

සඳ , තරු
නුඹ විය . . .
මගේ ගඝනත
සරා දස අත
සොය නුඹ වෙත
අවුත් විගසින
තුරුළු කරගෙන
හිඳින්නම් මම
හකුලුවා හැර
ගෙවෙන තත්පර . . .

ලතෑවිල්ල . . .

සඳ ,
නොමැති අහසට
නුඹ ,
නොපෙනෙනා නෙතකට
මුමුණනා හඬ ,
නෑසෙනා සවනතට
කොයිද ,
සැනසීම කිසිම ලෙසකට . . .

ආදරෙන් ඔයාට . . .

" මෙන්න ඔයාට "

හැම අහුමුල්ලකම

හැංගිලා අමතකවුණු

ආදරේ 

හැම පුංචි බිංදුවත්

. . . එකතුකරලා . . .