ශිල්පියෙක් අවැසිවේ . . .

වරක් මා අවුදින්
බිඳුණු සිත
සැකසුවා නොවැ
තිබූ ලෙසකම
පෙරලෙස . . .


යලි යලිදු
නුඹ ,
සිඳ බිඳලන්න
සිත ,
සිත්සෙයින් ඉඩහැර
සොයනවා නොවැ යලිත්
පිලිසකර කෙරුමට
ශිල්පයෙහි උගතෙකු . . .

කසල ගොඩේ . . .

කසල ගොඩ
වටේ පිරුණු
කපුටු රැලගේ
කරව් හඬට
නිකමට ,
අඩියට දෙකට
ලංවන විට
දැණුනු ,
කිරිකැටි සුවඳට . . .


පිරිලා ඉතිරිලා
දැණුනු හැඟුමට
දිටින් ,
රෙදි කඩින් එතුනු
අහිංසක ,
බිළිඳු රුව . . .


සොයමි ,
තෝරමි ලහි ලහියේ
හැඟුම් . . .


සාප දෙන්නද
වැදූ එකාලට
නුඹ මෙහි දමා
අතැර ගිය පව්කාර . . .


නැහැ ,
ඉගෙනගන් පුතේ
නුඹවත්
නොකරන්න කිසි දිනෙක
මෙලෙසකින් කිසිවිටෙක
ඉගෙන ගන්නට
නුඹෙන් පාඩම්
වැදූ මව්පියනට
මෙළොව . . .

හීන . . .

උදේ කෑවා ,
ඉස්තරම්ම වර්ගයේ 
පොල් රොටියෙන් බාගයක් . . .
ඒකත් සීනි අහුරක් එක්ක
කන ගමන් හිතුනෙත්
දවල්ට කන්න ඕනෙ
බුරියානි . . .

දවල්ට කනවා ,
අර ඉස්තරම්ම වර්ගයේ
ඉතුරු පොල් රොටි බාගය . . .
ඒ කන ගමනුත්
රෑට නම් කොහොම හරි
කන්න ඕන
බුරියානි . . .

රස්තියාදුවේ . . .

හිත ,
හැඳ පැලඳගෙන
යන්න තනනවා
බැහැරක . . .

ලියමන . . .

මයේ පුතේ ,
කාරි නෑ
ආවා නොවැ දිනෙක
පහුගිය දෝහේ
ඇති නොවැ එමට
රාජකාරිත් පිරුණු . . .  

බඩ කට පිරෙන්න
හරි රස කැම
පිරිලා යනවා මුළු හිතම
සුවඳට . . .
හිරවෙනවත් වෙලාවකට 
සිහියක් නැතුව කනකොට 
අතින් අනලා 
කවන කටකට වඩා 
රහයි උණු උණුවේ 
හැන්දෙන් කනකොට
කඳුළුත් එනවා වෙලාවකට . . . 

ඔව් පුතේ
අරුමෝසම් එමටයි
රූප පෙට්ටිය දාගත්තම
හරි පංකාදුයි
අපේ කට්ටියත් සතුටින්
හිනැහුණු ගමන්මයි
හැමදාම මෙතන
කඳුළුත් එනවා වෙලාවකට . . .  

යාළුවොත් ගොඩයි
මේ නාකි මට
පවුලේ උන් වගේ
මේ වහලේ යට . . .  

වෙලාවක ,
මුණුබුරොත් එක්කරන්
වරෙන් ඇවිත් යන්න
උන් දැං ලොකුද
ඩිංගිත්තක් බලාගන්න
එච්චරයි මතකයට
එන්නේ නැත්තේ හරියකට
අනිත් හැමදේම නම්
මතකයේ නිමක් නෑ 
නාකිවෙලත් බලාපංකො
මතකය ,
නේද මයෙ පුතේ . . .  

පුළුවං නං උඹේ ඔය 
සෙකට්‍රි නෝනට ,
මතක ඇති තැනක 
තියන්න කියාපං
වැඩ රාජකාරිත් ඇතිනේ
ඒ අස්සේ මේවා කියවන්නේ කොයිද
මම දන්නේ නැතුවෑ මයේ පුතේ
නිවීහැනහිල්ලේ එපෑ කියවන්න
රත්නත්තරේ පිහිටයි
මයේ පුතේ උඹට . . .

ටියුශන් ලඟ . . .

ආලේ පාන සරුවත් පෙම්
පාට පාට දාල හොඳට
සේද සේද සළු දවටන්
පුංචි හිතට වී කුළුපග

සීනි බෝල ටොපි චොකලට්
වියදම දෙන තෑගි බෝග
ජීවිතයේ කඩඉම් ලඟ
සිනා සලයි සරදම් ලෙස

හිතට තුරුළුවූ පත පොත
ඉකිබිඳිමින් ඇත පසෙකින්
ඉස්සර වී පෙම් රැඟුමන්
ජීවිතයම වී සල්ලං

ටියුශන් ලඟ පොරකත් පෙම්
කුමර කුමරි අහුරුපිටින්
වගා නොකර විසිකර පොත
අස්වනු සොයනා ජීවිත

නින්ද නුඹ . . .

නිදි දෙව්දුවනි ,

අද රැයත් නුඹ

වෙලී ඉන්න

ඇගේ ලඟ

නොදැනෙන්න ඇයට

හිතේ බර . . .

ඇගේ ලඟ හැංගිච්ච

හීන කප්පරම ,

රැගෙන මම සැබෑකර

එනතුරා හැකිවෙත්ද

රැඳී ඉඳ සනසන්න

මගේ පෙම්බරියව

සුවසේම . . .