෴ . . . පන්හිඳ . . . ෴: තනිකඩයි තවමත්ම . . .

Tuesday, October 4, 2011

තනිකඩයි තවමත්ම . . .

සඳ , තරු , හිරු
පෙම් කළද
උණුන්ට
තනිකඩයි අහස
තවමත්ම . . .

නිමේශයක සතුට
තියේනම්
හැම තත්පරයකම
නොවෙනස්ව ,
අපූරුයි නේද . . .

අහස දිහාවට
ඇස් තියාගෙන
මෙහෙම අහනකොට
මම හැමදාම

" එළිවෙන්න ලගයි දැං "

මිමිණුවා අහස ,
අහිංසක ලෙස . . .

හෙටත් මම ඇවිත්
අහන බව
දැන දැනම . . .

4 comments:

DineshOctober 5, 2011 at 7:09 AM
දහසක් නෙතු
අහස දෙස බලාගෙන
කීවත් ලීවත්
දහසකුත් පෙම් කවි
තනිකඩය තවම අහස....
ReplyDelete
Replies
සුශාන් ප්‍රියනාත් රත්නායකOctober 5, 2011 at 9:26 AM
ස්තූතියි දිනේශ් . . .
ReplyDelete
Replies
සිතුමි ප්‍රියංගාOctober 25, 2011 at 7:23 AM
ලස්සන පද පෙලක්...
ReplyDelete
Replies
සුශාන් ප්‍රියනාත් රත්නායකOctober 27, 2011 at 6:40 AM
බොහොම ස්තූතියි . . . :)
ReplyDelete
Replies

Add comment

ඔබේ අදහස් දිරියක් මට .

උපත සහ වත්මන

මා බ්ලොග් කරුවෙක් වීමට පළමු පියවර තැබුවේ නොවැම්බර් 28, 2009 සෙනසුරාදාවකය . බ්ලොග් කරනයට ආශාවක් ඇතිව තිබුණද එය කුමක්ද , කළ හැක්කේ කුමක්ද යන මැයෙන් ගැටළු රාශියක් අතර දෝලනය වූ මම පයගසාම බලමි යන අදිටනින් " ෆැශන් " යන තේමාව පෙරදැරිකොටගෙන මා බ්ලොග් කරණය තුළ ගමන ඇරඹීමි . මේ ඇරඹුමයි .

එලෙස ගමන් ඇරඹූ මා හට බ්ලොග් කරණය පිළිබඳ වැඩිදුර යමක් උගැන්මට අවස්ථාවක් නොලැබිනි . ඊට වඩාත්ම හේතුවූයේ ඇතිව තිබූ කාර්ය බහුලත්වයයැයි මා විස්වාස කරමි. මෙනිසාම ඉතාමත් කෙටි කලක් තුළදී මා එලෙස ඇරඹි බ්ලොගයේ අවසානයද දුටිමි . අවසන් පොස්ට් එක මා දැමූයේ කිසිසේත්ම එය අවසානයක් යැයි සිතානම් නොවේ . දෙසැම්බර් 05, 2009 දින දැමූ පෝස්ට් එකෙන් එම බ්ලොගය නිශ්චල වී අදටත් එලෙසටම තිබේ .

ඉන් අනතුරුව මෑතකදී යලිත් බ්ලොග් මාද්‍ය මා දුටුවේ මුහුණු පොත තුළයි . මුලින් වැඩි රුචියක් නොවූවත් කෙමෙන් බ්ලොග් තුළ මැවෙන්නාවූ ලෝකයට එබිකම් කොට බැලීමි . රසවින්දෙමි . කෙමෙන් කෙමෙන් දළු දා ලියලන්න ගත් පරණ මතකයත් සමඟ නැවතත් බ්ලොගයක ආරම්භයක් දැකීමට සිතා " පන්හිඳ " ඇරඹීමි . පසුව " ගැලපිල්ල " ද ඇරඹීමි . පරණ බ්ලොගයේ ඊ - මේල් ලිපිනය සහ මුරපදය මා මතකයේ නොවිනි . මෙනිසාම අළුතින් පයතැබීමි . මා සිතුවාට වඩා බ්ලොග් කරුවන්ගේ එකතුවක් මෙහි හිඳීම දැක මා සතුටින් ඉපිල ගියෙමි . නොදන්නා දෙය මෙහිදීම උගෙනිමින් . දන්නා දෙයක් ඇතොත් නොදන්නා කෙනෙකුට දීමටද පසුබට නොවෙමි .

අද ජූලි 05, 2011 යි . උදැහනම මෙලෙස මේ වචනටික ගලපා බ්ලොගයේ දැමීමට තරම් විශේශ කරුණක් වූයේ අස්ථානගතව තිබූ පරණ බ්ලොගයේ ඊමේල් ලිපිනය සහ මුරපදය නැවත මා අත පත්වීමයි . එය නිසොල්මන්ව තිබුනද එදෙස බලා ඇරඹු නව මඟ ගැන සිතා තුටුවෙමි . දනිමි . මෙය ඔබට වැදගත් කරුණක් නොවනු ඇත . එය මා හොඳාකාරවම දනිමි . එනමුත් මෙය මා මෙලෙස කුරුටුගෑම මගේ බ්ලොග් කරනයේ උපතට කරන්නාවූ කළගුණ සැලකීමක් යැ මා විස්වාසකරමි .

ෆලෝ කරන්න

Tuesday, October 4, 2011

තනිකඩයි තවමත්ම . . .

4 comments: