෴ . . . පන්හිඳ . . . ෴: නින්ද නුඹ . . .

Tuesday, July 19, 2011

නින්ද නුඹ . . .

නිදි දෙව්දුවනි ,

අද රැයත් නුඹ

වෙලී ඉන්න

ඇගේ ලඟ

නොදැනෙන්න ඇයට

හිතේ බර . . .

ඇගේ ලඟ හැංගිච්ච

හීන කප්පරම ,

රැගෙන මම සැබෑකර

එනතුරා හැකිවෙත්ද

රැඳී ඉඳ සනසන්න

මගේ පෙම්බරියව

සුවසේම . . .

4 comments:

AnonymousJuly 19, 2011 at 12:57 PM
හිතේ බර වැඩි කමට
එන්නේ නෑ නිදි දෙව්දුවත් තුරුලට
කදුලු විතරයි ඉතිරි අද මට
හිත් පුරා ඇදි තනිය මැකුමට..

ඩොලර් කොල අද කදුලු වූවා
හිත් අහස මගේ අදුරු වූවා
කදුලු බිදු මට උරුම වූවා
සරා සද මට අහිමි වූවා..

හීන කප්පර...
අනේ නුබ මට දුන් වියෝවා...
ReplyDelete
Replies
සුශාන් ප්‍රියනාත් රත්නායකJuly 19, 2011 at 1:02 PM
@ අසනි : බොහොමත්ම ස්තූතියි අපූරු කවියකින් වටිනාකමක් දුන්නට . . .
ReplyDelete
Replies
සිතුමි ප්‍රියංගාAugust 1, 2011 at 5:19 AM
හීන කප්පරම
තුරුල් කර මා
බලා හිදිනෙමි
එනතුරා නුඹ . .
ReplyDelete
Replies
සුශාන් ප්‍රියනාත් රත්නායකAugust 1, 2011 at 7:44 AM
@ සිතුමි ප්‍රියංගා :

දනිමි ,
මා එනතුරා
නුඹ හිඳිනා බැව්
දෙනෙත් රුවා
මග බලා . . .
ReplyDelete
Replies

Add comment

ඔබේ අදහස් දිරියක් මට .

උපත සහ වත්මන

මා බ්ලොග් කරුවෙක් වීමට පළමු පියවර තැබුවේ නොවැම්බර් 28, 2009 සෙනසුරාදාවකය . බ්ලොග් කරනයට ආශාවක් ඇතිව තිබුණද එය කුමක්ද , කළ හැක්කේ කුමක්ද යන මැයෙන් ගැටළු රාශියක් අතර දෝලනය වූ මම පයගසාම බලමි යන අදිටනින් " ෆැශන් " යන තේමාව පෙරදැරිකොටගෙන මා බ්ලොග් කරණය තුළ ගමන ඇරඹීමි . මේ ඇරඹුමයි .

එලෙස ගමන් ඇරඹූ මා හට බ්ලොග් කරණය පිළිබඳ වැඩිදුර යමක් උගැන්මට අවස්ථාවක් නොලැබිනි . ඊට වඩාත්ම හේතුවූයේ ඇතිව තිබූ කාර්ය බහුලත්වයයැයි මා විස්වාස කරමි. මෙනිසාම ඉතාමත් කෙටි කලක් තුළදී මා එලෙස ඇරඹි බ්ලොගයේ අවසානයද දුටිමි . අවසන් පොස්ට් එක මා දැමූයේ කිසිසේත්ම එය අවසානයක් යැයි සිතානම් නොවේ . දෙසැම්බර් 05, 2009 දින දැමූ පෝස්ට් එකෙන් එම බ්ලොගය නිශ්චල වී අදටත් එලෙසටම තිබේ .

ඉන් අනතුරුව මෑතකදී යලිත් බ්ලොග් මාද්‍ය මා දුටුවේ මුහුණු පොත තුළයි . මුලින් වැඩි රුචියක් නොවූවත් කෙමෙන් බ්ලොග් තුළ මැවෙන්නාවූ ලෝකයට එබිකම් කොට බැලීමි . රසවින්දෙමි . කෙමෙන් කෙමෙන් දළු දා ලියලන්න ගත් පරණ මතකයත් සමඟ නැවතත් බ්ලොගයක ආරම්භයක් දැකීමට සිතා " පන්හිඳ " ඇරඹීමි . පසුව " ගැලපිල්ල " ද ඇරඹීමි . පරණ බ්ලොගයේ ඊ - මේල් ලිපිනය සහ මුරපදය මා මතකයේ නොවිනි . මෙනිසාම අළුතින් පයතැබීමි . මා සිතුවාට වඩා බ්ලොග් කරුවන්ගේ එකතුවක් මෙහි හිඳීම දැක මා සතුටින් ඉපිල ගියෙමි . නොදන්නා දෙය මෙහිදීම උගෙනිමින් . දන්නා දෙයක් ඇතොත් නොදන්නා කෙනෙකුට දීමටද පසුබට නොවෙමි .

අද ජූලි 05, 2011 යි . උදැහනම මෙලෙස මේ වචනටික ගලපා බ්ලොගයේ දැමීමට තරම් විශේශ කරුණක් වූයේ අස්ථානගතව තිබූ පරණ බ්ලොගයේ ඊමේල් ලිපිනය සහ මුරපදය නැවත මා අත පත්වීමයි . එය නිසොල්මන්ව තිබුනද එදෙස බලා ඇරඹු නව මඟ ගැන සිතා තුටුවෙමි . දනිමි . මෙය ඔබට වැදගත් කරුණක් නොවනු ඇත . එය මා හොඳාකාරවම දනිමි . එනමුත් මෙය මා මෙලෙස කුරුටුගෑම මගේ බ්ලොග් කරනයේ උපතට කරන්නාවූ කළගුණ සැලකීමක් යැ මා විස්වාසකරමි .

ෆලෝ කරන්න

Tuesday, July 19, 2011

නින්ද නුඹ . . .

4 comments: